Ou ka itilize echantiyon lèt demisyon sa a kòm yon baz pou ekri yon lèt ak pwòp non w, dat, ak lòt enfòmasyon. Telechaje oswa kopye echantiyon an epi chanje mo yo selon sitiyasyon ou.
Fè chanjman ou bezwen nan lèt sa a anvan ou wè anplwayè w la pou w di yo w ap kite travay ou. Apre sa, enprime li epi siyen li ak yon plim. Si ou pa kapab enprime li, kopye li alamen epi siyen li.
Remèt lèt la bay patwon ou apre ou fin di yo ke ou deside kite travay ou. Asire w ke ou bay omwen de semèn avi.
Echantiyon lèt demisyon
Pou: [non konpayi]
[dat]
Chè [non manadjè oswa anplwayè],
M ap ekri w pou m fè w konnen m ap demisyone nan travay mwen ak [konpayi/òganizasyon w la, oswa antre non konpayi an isit la]. Dènye jou mwen an pral [mwa, dat, ane].
Mwen te apresye tan mwen ap travay pou ou ak eksperyans mwen te genyen.
Tanpri fè m konnen si w gen nenpòt kesyon oswa si gen fòm oswa lòt kondisyon ou bezwen m ranpli anvan m ale.
Sensèman,
[non ak siyati ou]
Telechaje lèt la
- Telechaje lèt demisyon an kòm yon dokiman Word (Lè ou klike sou lyen an, dokiman an pral otomatikman ale nan katab downloads ou a.)
- Telechaje lèt demisyon an kòm yon pdf
(Lè w klike sou lyen an, dokiman an ap louvri. Klike senbòl flèch la pou telechaje.)
Objektif nou se pou ofri enfòmasyon ki fasil pou konprann e ki ajou regilyèman. Enfòmasyon sa a se pa konsèy legal.
